"ARTERIA Rock" presenta en concerto a Martín Sánchez & La Dolce Vita
Traen o seu swing a ARTERIA Noroeste o venres 12 de marzo
ARTERIA Noroeste continúa en Santiago de Compostela o seu ciclo ARTERIA Rock. Este proxecto, que se desenvolve no parque de Vista Alegre, ofrece este venres, 12 de marzo, o concerto de Martín Sánchez & La Dolce Vita. O espectáculo é un recital de pop-rock con banda ao estilo americano dos anos 50 do pasado século. Martín Sánchez, actor, cantante e crooner, debutou no mundo da música co seu proxecto Cold Ground, que editou un disco producido polo reputado Paco Trinidad (que gravou a Luz, Ronaldos ou Duncan Dhu). Como actor, ten traballado con directores como Artur Trillo ou Lino Braxe, como no caso de A ópera de a patacón (adaptación de Roberto Vidal Bolaño do clásico de Bertold Brecht). No seu concerto en ARTERIA Noroeste, Martín Sánchez chega acompañado por La Dolce Vita, unha banda de extraordinaria calidade coa que desenvolve a súa faceta de crooner. O seu repertorio propón unha viaxe en clave americana dos anos 50 do pasado século, con swing, rock e clásicos adaptados ao castelán. O concerto terá lugar o venres 12 de marzo ás 21:00 horas e o billete básico, xa á venda na web caixagalicia.es, custa 5 euros (4 euros con bonificación). ARTERIA Rock terá continuidade esta primavera cos concertos de Capitán Furilo (25 de marzo); Stereotipos (23 de abril); Phantom Club (7 de maio); e Miguel Costas (20 de maio). Información:
ARTeria Noroeste
Parque Vista Alegre
Rúa das Salvadas, 2A
15705 Santiago de Compostela
Tfno: 981.569082 / 981.569183
e-mail: noroeste@arteriamultiespacios.com
