Autore eta Editoreen Elkartea (SGAE) erakunde pribatua da eta dauzkan 100.000 bazkide baino gehiagoren jabetza intelektualaren eskubideen defentsaz eta kudeaketaz arduratzen da. Sortzaileen kolektiboaren barruan, 90.921 genero eta estilo mota guztietako musikariak dira, 10.701 ikus-entzunezko lanen –argumentu-idazleak, gidoilariak eta zuzendariak–, eta 8.825 dramaturgoak eta koreografoak. .
SGAE jardunean dago 1899tik, eta gaur egun hamar milioi baino gehiagoko musika-lanen, antzezlanen, koreografia-lanen eta ikus-entzunezko lanen errepertorioa kudeatzen du. Jabetza intelektualaren legeak ezartzen duenari jarraituz, bazkideen, autoreen eta editoreen lanen eskubideak defendatzeko eta kudeatzeko ardura dauka SGAEk.
Horregatik, gure eginkizun nagusia honako hau da: gure bazkideek euren lanen erabilera komertzialarengatik (komunikazio publikoa, erreprodukzioa, banaketa, transformazioa eta kopia pribatua) jasotako ordainsaria babestu eta banatzea eta bezeroen artean lanak erabiltzeko lizentziak kudeatzea da. Eginkizun hori onuragarria da gure bazkideentzat, eta gainera, gure errepertorioaren ondare kultural aberatsa babesten laguntzen du. Aldi berean, gure lana baliagarria da kultura-kontsumitzaileentzat, izan ere, babestutako lanentzako sarbidea errazten diegu era seguru eta juridikoki bideragarrian.